Такое рашэнне прыняў Магілёўскі гарадскі Савета дэпутатаў 25 склікання. Рашэнне ўступіла ў сілу 1 ліпеня 2008 года. Адпаведна гэтаму дакументу донары губляюць магчымасць бясплатнага праезда ў горадзе Магілёве.

Узамен донарам, якія ўзнагароджаны знакам пашаны “Ганаровы донар Рэспублікі Беларусь” і пражываюць у горадзе Магілёве будзе прадастаўляцца сацыяльная дапамога ў выглядзе аплаты праяздных білетаў на адным з відаў гарадскога пасажырскага транспарта агульнага карыстання (аўтобус альбо тралейбус).

"Простымі словамі, - гаворыць старшыня грамадскага аб’яднання “Кропля жыцця” Ігар Каваленка, - будуць выдавацца звычайныя праяздныя. Раней, канешнее, было прасцей - можна было ездзіць бясплатна ў любым грамадскім транспарце, будзь то аўтобус ці тралейбус. Дастаткова было паказаць укладыш з донарскага пасеведчання”.
“Атрымоўваецца, што цяпер і тут крышку ўрэзалі нашыя правы, бо нам, донарам, цяпер трэба выбіраць якім транспартам карыстацца – аўтобусам, ці тралейбусам. Агульныя праяздныя білеты, нажаль, выдавацца не будуць”,  - адзначае Ігар Каваленка.

Негледзячы на такое рашэнне гарвыканкама, спадар Каваленка не бачыць тут нічога катастрафічнага, бо выдача праяздных на выбар гэта ўсё ж такі лепей чым пастаянная плата за праезд. Акрамя гэта ён поўны аптымізма, бо 18 ліпеня павінна адбыцца пасяджэнне абласнога Савета дэпутатаў, на якім будзе вырашацца пытанне аб выдачы праяздных усім донарам, якія пражываюць у Магілёўскай вобласці.

"Я лічу, - гаворыць Ігар Каваленка, - хай гэта будзе і не вельмі сціпла, што пытанне якое будзе абмяркоўвацца абласным Саветам дэпутатаў - гэта заслуга майго грамадскага аб’яднання, бо ва ўсёй Беларусі, за выключэннем горада Магілёва донарам плазмы і крыві ўрэзалі льготы, у тым ліку і на праезд у грамадскім транспарце. А зараз можа атрымацца прэцэндэнт, калі ўсім донарам магілёўскай вобласці будуць выдавацца праяздныя на праезд у грамадскім транспарце”.

Вітольд НЯЎРЫДА