Даўно ўжо ў дыска-клубе “Ліга” у зале не лунаў бел-чырвона-белы сцяг і забіты да адказу танцпол не крычэў “Жыве Беларусь!”

Замест запланаванага трохгадзіннага “Развітальнага” канцэрту, арганізатары абмежавалі час выступу выканаўцаў паўтарыгадзінамі, але з-за крыкаў фанатаў і нежаданнем пакідаць танцпол канцэрт зацягнуўся яшчэ на добрыя дваццаць хвілінаў.

“Развітальны канцэрт”, - адзначыў у сваёй прамове Лявон Вольскі, лідэр музычнага гурта “N.R.M.” , - называецца таму, што мы развітваемся з зімой і рыхтуемся да прыходу вясны”.
Трэба адзначыць, што гэта першы канцэрт гурта ў Магілёве за апошнія некалькі год. Папярэдні канцэрт, які мусіў быў прайсці ў мінулым годзе, быў адменены па незразумелых прычынах.

Вітольд Няўрыда